Indujan Pakkam

ஆடாஸிட்டி ஒரு ஓப்பன் சோர்ஸ் ஆகும். இது ஆடியோ எடிட்டிங்குகளுக்கு மிகவும் பயன்படும் ஓர் அற்புத மென்பொருளாகும். இன்றைய படைப்பில் நாம் எப்படி கரோக்கே பாடலுடன் நமது குரலை மிக்ஸ் செய்து பாடுவது என்பது குறித்து பார்ப்போம்.

முதலில் ஆடாஸிட்டியை இங்கு சொடுக்கி பதிவிறக்கம் செய்துகொண்டு கணினியில் நிறுவவும். பின்னர் ஆடாஸிட்டியில் உங்களுடைய பாடலை mp 3 கோப்பாக வெளியீடு செய்ய விரும்பினால் அதற்க்கு முதலில் mp3 Lame மை உங்களது கணினியில் நிறுவவேண்டும். அதற்க்கு இங்கே சொடுக்கி பதிவிறக்கம் செய்து கணினியில் நிறுவிக்கொள்ளவும்.

முதலில் நீங்கள் பாட விரும்பும் பாடலின் karaoké (பின்னனி இசை ம‌ட்டும் குரல் நீங்கலாக) ஐ தேடி பதிவிறக்கம் செய்துகொள்ளுங்கள். அதனை குறித்து நாங்கள் எவ்வித உதவியும் செய்ய இயலாது காரணம் இந்திய காப்புரிமை சட்டத்தின் படி ஒரு பாடலை karaoké செய்வது குற்றம். இந்த கட்டுரைக்காக நாங்கள் உருவாக்கிய karaoké வெறும் சோதனைக்காகவே என்பதையும் தெரிவித்துக்கொள்கிறோம்.

நிறைய தமிழ் இணையதளங்கள் karaoké பாடல்களை அவர்களது இணையத்தில் இலவசமாகவே வழங்குகின்றனர். உங்களது சொந்த முயற்சியில் நீங்கள் பதிவிறக்கம் செய்து பயன்படுத்திக்கொள்ளலாம்.

முதலில் ஆடாஸிட்டியை திறக்கவும். Edit>preferences (Devises)சென்று உங்களது சவுண்டு கார்டை தேர்வு செய்து கொள்ளவும்.

பின்னர் Recording சென்று Overdub:Play other tracks while recording new one என்பதை டிக் செய்து கொள்ளுங்கள். அப்போதுதான் உங்கள் karaoké பாடலின் டிராக்கும் நீங்கள் பாடும் போது play ஆகும்.

இப்போது ஆடாஸிட்டியில் நீங்கள் பாட இருக்கும் பாடலின் karaoké ஐ திறந்து கொள்ளவும்.

இப்போது Recording ஐ அழுத்தவும் (சிகப்பு நிற பட்டன்). பாடலின் டைமிங்க்கு ஏற்றார் போல பாடவும். உங்களது குரல் இப்போது ஆடியோ டிராக்கின் கீழே புதிய டிராக் உருவாகி அதில் பதிவு செய்யப்படும்.

பாடி முடித்ததும் உங்களது குரலை இன்னும் மெருகேற்ற ஆடாஸிட்டியில் இருக்கும் Amplify,Echo,Delayஎன்ற மூன்று எபக்ட்களை பயன்படுத்தினாலே போதுமானது. இதில் Amplify என்பது உங்களது குரலின் volume மை உயர்த்த பயன்படுகின்றது எனவே நீங்கள் பாடும்போது உரக்க பாட வேண்டிய அவசியம் இல்லை.

Echo மற்றும் Delay உங்களது தேவைக்கேற்ப ஏற்றி இறக்கிக்கொள்ளவும்.

கடைசியாக File>Export சென்று நீங்கள் பாடிய பாடலை mp3 யாக சேமித்துக்கொள்ளவும்.

அவ்வளவுதான் பாடி அசத்துங்கள்….